一君士多 (已結業)

作为古天乐嘅影迷，梗系要过嚟撑下佢嘅老友邓一君，之前睇报纸见到佢开咗间车仔面店，仲有成大大只鲍鱼同花胶做卖点，一直都好想黎试，今次终于有机会啦！呢度嘅装修都几简洁，感觉都几舒服。一入门口就见到邓一君喇！估唔到老板都成日驻场㖞！今次我哋就试咗富贵面同埋普通车仔面。富贵面有鲍鱼花胶同花菇，我真系第一次食车仔面会有呢啲咁豪华嘅𩠌啊！佢个鲍鱼虽然细细粒，但系都几弹口几入味㗎！二花胶都唔差，食完可以增加骨胶原！车仔面我就拣咗鱼蛋猪红同埋鸡翼！味道都唔错，当然冇富贵面咁出色啦！另外我哋都嗌咗小食，芝士磨菇鸡翼，呢个好好食！味道好特别，略嫌太细只，唔够喉，好想再encore！