八方庭

营业中

休息中

屯门安定邨，有特色既餐厅已经愈来愈买少见少，前几日竟然畀我发现安定邨有八方庭呢间富有粤港特色既餐厅‼️起初一入去，吸引我既视线系几个大鱼缸😆睇住啲鱼郁来郁去都好过瘾，就好似番到细个果阵，屯门好多餐厅都可以「赏鱼」。第一道上既系男人既浪漫——叉烧拼烧腩仔，系熟悉既香港味道，唔止熟悉，而且劲好食❗️叉烧咬落去好爽口，烧腩仔瘦而有肉，身为男人我觉得好浪漫。第二道上既系老坛酸菜桂花鱼，新鲜美味，个汤香浓，鱼片滑溜，令我胃口大开🤤第三道上既系莲藕煎肉饼，每一粒都大大份，比预料中更足料，而且好香口👍🏻D𩠌足料到自问系大胃王既我，食到呢道已经饱，但八方庭又真系好好食，最后都系点埋豉椒鹅肠。豉椒鹅肠好有家既味道👅咸中带甜，谂起细个既住家菜，食既除左系咸味、甜味，亦都系回忆⋯⋯多谢八方庭，令我回忆起童年简单既快乐。