廚匯濃湯雞

营业中

休息中

寒冷嘅冬天，行过见到，价钱合理，每个锅一上台，都会点火滚下滚下，就入去试下。小菜叫左香芹墨鱼饼 ，绝对系必试之选。外层炸到好脆，咬落去听到「咔嚓」声，而内里嘅墨鱼饼充满咬口，再加上香芹嘅清香，简直完美。主菜叫左浓汤鱼三宝锅配饭。呢个汤底真系浓郁到不得了，鱼三宝其中嘅鱼蛋有弹性，食落去充满鱼香，配上饭一起食，简直系一个字“正”。另一个唔可以唔提嘅就系胡椒猪肚鸡锅配薯粉。呢个锅嘅胡椒味好香浓，猪肚煮得好入味又嫩滑，鸡肉都一样咁嫩滑，最正系薯粉吸晒啲汤汁，入口劲有嚼劲，食到停唔到口。呢度啲食物不仅分量十足，仲俾你暖晒个胃，呢个价钱真心抵食。喺咁冻嘅日子里，来呢度饮热辣辣浓鸡汤，绝对系一个好选择！