賞茶 (荷里活廣場)

营业中

休息中

呢几日气温急降，得17度，冬天衫都未执得切出来😭呢几日出街都只系知袖衫加外套，喺室内都还好，室外其实都唔太够暖……行过赏茶谂紧不如买返杯热饮暖手，再睇到佢个靓靓杯就即刻排队。我叫左杯热手工香芋奶绿半糖，服务员态度友善，会主动问客人甜度有冇特别要求(我试过其他店如果唔主动讲，佢就会俾100%甜度，甜到喊😣)。店内设有等候区，可以容纳五至八人， 喺非繁忙时间，客人唔使企喺店外等。因为系即叫即制，所以店内都有温馨提示话要等10-15分钟，但可能我去嘅时候唔多人，等左五分钟就有。 服务员亦会好贴心地问你系咪即刻饮，如果系嘅话，佢会帮你插饮管即时开。😄绿茶味同奶味各一半，比例刚刚好，口感香滑，而且仲有软稔稔嘅芋头粒， 芋头微甜粉粉地， 味道同奶绿十分match😋 甜度系半糖， 我本身不太好甜，觉得啱啱好。如果想喺冬天饮一杯甜甜温暖的， 可以拣呢杯手工香芋奶绿。