影片
更多
2009-12-29
1332 浏览
是日.. 寒风阵阵.. 又刚好约了一大伙人跟一些旧同事敍旧... 一想到街边火锅大排档, 又谂起佢... 经过好几次.. 都系爆场... 夸张到夏天都见到都有人 坐 o系街边.. 夸到咁.. 所以就一早订定位.. 一行九人.. 霸住张街边大圆枱... 以我有限记忆, 叫左...- 蕃茄薯仔猪骨汤底- 手切肥牛 x 2- 特级肥牛 x 6- 黑豚肉- 鸡肉- 鸡肠 x 2- 鳝片 x 2- 虾丸 x 2- 墨丸 x 2- 牛滑- 炸鱼皮 x 4- 韮菜饺- 粟米 x 2- 竹笙- 乌冬- 唐篙- 唐生菜- 豆卜- 枝竹还有其他..太多, 不能尽录...正常黎讲.. 会系四至五人就一个锅, 鸳鸯汤底亦系惯常动作. 今次我地见张枱唔够大, 一个gas炉都用左唔少位, 就黎试下九个人一个锅.. 拣一种汤底因为咁多人一齐渌, 就算叫鸳鸯都捞埋一齐架啦. 所以一个 "蕃茄薯仔猪骨" 齐齐分.. 简简单单嘅一种汤底. 味道冇其他地方 d 骨煲咁浓郁, 没有什么突出...其他食物相继上场... 打边炉大主角永远都系佢 -> 肥牛.. $58 手切肥牛... 属一般货色, 肥肉分布不甚平均, 手
以我有限记忆, 叫左...
- 蕃茄薯仔猪骨汤底
- 手切肥牛 x 2
- 特级肥牛 x 6
- 黑豚肉
- 鸡肉
- 鸡肠 x 2
- 鳝片 x 2
- 虾丸 x 2
- 墨丸 x 2
- 牛滑
- 炸鱼皮 x 4
- 韮菜饺
- 粟米 x 2
- 竹笙
- 乌冬
- 唐篙
- 唐生菜
- 豆卜
- 枝竹
还有其他..太多, 不能尽录...
正常黎讲.. 会系四至五人就一个锅, 鸳鸯汤底亦系惯常动作. 今次我地见张枱唔够大, 一个gas炉都用左唔少位, 就黎试下九个人一个锅.. 拣一种汤底因为咁多人一齐渌, 就算叫鸳鸯都捞埋一齐架啦. 所以一个 "蕃茄薯仔猪骨" 齐齐分.. 简简单单嘅一种汤底. 味道冇其他地方 d 骨煲咁浓郁, 没有什么突出...
其他食物相继上场... 打边炉大主角永远都系佢 -> 肥牛.. $58 手切肥牛... 属一般货色, 肥肉分布不甚平均, 手切牛, 肉味不够浓, 有少讦筋... 令我想起"力奇火锅"果碟手切肥牛.. 虽然协盛收 $58 一碟肥牛很真的平很多, 不过 d 肉味简直系天渊之别..
手切唔满意, 一定要叫埋 $78 特级肥牛 先得.. 肥牛啊! 唯独你在火锅中是不可取替的~~
呢碟..特级肥牛.. 就对哂辨喇.. 薄薄的一片片, 雪花均衡.. .. 当然, 佐敦"合兴" 嘅 $188/$288, 同 "春秋" 嘅 $288/$388 果d 雪花牛同佢比 梗系高佢几班啦. 不过, $78 呢个水准, 仲一样咁大碟.. 唔好谂太多喇, 已经系物超所值... 抵食抵食...
黑豚肉.. 圆圆的一片片, 刚好用上猪骨汤底黎渌.. 感觉似日式拉面d 叉烧.. 未试过咁食法都几过瘾, 因为平时食拉面得果一两片, 今次想食几多就几多, 呵呵~
鸡肠也抵赞.. 条条都肥大有膏, 很有份量, 食落鸡油满溢...
鳝片和竹笙, 如其他食评所言, 有水准.. 一定要叫~
另外有惊喜嘅系炸鱼皮~ 大大片又脆口, 没有太多碎湿湿的. 上一次食一碟咁有水平嘅鱼皮系"春秋火锅".. 我其中一间至爱火锅店.. 很可惜.. 已不在了...
老友们谈天说地, "烚下烚下" 咁就一晚, 总括黎讲... 属满意嘅一餐
p.s. 由等汤滚, 再等d 野食黎, 再烚住等食, 一round 又一round.. 就咁由7:30pm 烚到11pm, 厉害!!
张贴
