吉列牛忌廉烏冬專門店 (百樂中心) (已結業)

落住微微雨，又寒风凛冽，最好食啲辣嘢暖吓身呀。中午时段上到嚟，都冇咩人，真系随便坐都得呀。睇咗餐牌，先点几个小食先。炸芝士薯仔年糕，芝士味唔觉有，年糕冇味，中间仲要冻嘅添。骨付猪肉肠，煎得几香，酱汁都好好味，猪味又浓，但系好似仲有阵雪味咁。滋味单骨鸡翼，鸡翼上面啲粉有好多种，但我地就觉得太多添喇，而且都算辣，同埋食完会好口喝架。吉列牛定食咖哩忌廉乌东，二人前嘅定食，份量够唔够就见仁见智喇。先讲牛，五成熟，因为切得太细件，吉列嘅味道感觉唔到。若果觉得唔够熟，旁边有块铁板，放上去加热煮多阵都得。面豉汤唔错。咖哩忌廉乌东，咖哩味好香，食多几啖仲觉得辣添，好在有忌廉去中和番。乌东图身嘅，好挂汁同好弹，入面仲有啲菜、牛肉添。定食餐送汽水，我地转咗特饮，唔错丫。