茶理史 (已結業)

前几日睇咗段街访，问到啲后生一辈而家兴咩，有啲话系K-pop，有啲话系潮语，有人话系珍珠奶茶。呵～乜珍珠奶茶系年轻人嘅时尚嘢咩？咁睇来，我都应该离时尚不远了，差啲啲嘅系，我唔太喜欢珍珠，更钟意芋圆仙草和水果。查理史喺公司附近都开咗段时间，未至于每个礼拜都会饮，但都有啲心水可以同你分享一下。虽然好细间，但细节嘢都好抵赞，可以打卡影相嘅位都多，而且贴地。我个人好钟意水果，对于佢哋嘅水果系列都好满意，而且水果配茶嘅系列仲有得拣用边款茶，乌龙茶介乎于红茶同绿茶之间，既鲜香又甘醇，绿茶就青味重啲，入口茶香比较重，可以因应个人喜好配搭㗎。不过我最喜欢嘅系佢哋嘅牛油果鲜乳小芋圆，搅拌均匀再饮用，牛油果嘅口感系油香味重，配鲜乳嚼几颗芋圆，那种感觉真的很幸福！