華星客棧 (已結業)

一直欣赏华星冰室嘅茶餐，快趣好味份量够，睇杂志知道华星客栈喺西环开张，过嚟捧吓场。新店门面阔落抢眼，由2014年12月2号开始，试业期间，早午市依旧做招牌茶餐生意兼售新鲜出炉面包，6点后做小菜晚饭。       店内一贯光猛新潮玩味十足，金字招牌，雀笼灯饰老土吊扇，玻璃柜串起好几排鸡翼，原来就系招牌菜之一嘅鸳鸯糯米酿鸡翼。一坐低，侍应依旧敏捷，递上一本图文并茂武林秘笈，又系搞GIMMICK嘅MENU😆,我信佢叫咗万佛朝宗同化骨绵掌😆😆杏汁炖白肺汤$58原盅炖汤，杏汁味浓郁，一开盖已经涌住出嚟，猪肺瘦肉都腍滑无渣，仲有白菓平衡杏味，水准媲美利园级数，无谂过喺茶餐厅食到😳，强烈推介👍👍👍鸳鸯糯米酿鸡翼$48招牌菜之一，顾名思义系用白糯米同紫米，蒸熟加金华火腿、瑶柱、虾米及冬菇，酿入去骨鸡翼内，串起风干后炸至金黄，皮脆肉嫩惹味饱满，啖啖肉唔使𠼱骨，正👍👍金箔京式赛螃蟹配镇江醋$108卖相一身贵气，雪白赛螃蟹镶嵌一个生蛋黄，上舖不少金箔，迎风摇曳，赛螃蟹结实欠幼滑，粉质太重而且腻口，但味道尚可。海鲜杂菜㷛$108大路煲仔菜，海鲜包括班片、鲜鱿同海虾，菜蔬同菇类用料新鲜，水准以上。