力天冰室

营业中

休息中

帮衬过何文田店，近期新蒲岗开咗分店，立刻来食个晚餐。餐厅环境光猛舒适，卡位亦寛阔。晚餐比起一般茶记都几多选择，2人点了一人一个主食，铁板麻辣海鲜炒乌冬及椰香焗咖哩猪扒饭，再加个小怀旧古法咕噜虾球。先上一碗菜干中汤，粟米去芯，又几足料好饮。怀旧古法咕噜虾球，虾球大大只，蘸粉浆薄炸，咬落啖啖虾肉并非炸粉。配料有菠萝及三色椒，醇厚酱汁酸酸甜甜食落好开胃。铁板麻辣海鲜炒乌冬，有做到我哋要求嘅走韮黄芽菜，麻辣味够香，唔算太辣，海鲜料足，有蚬肉，尤鱼及虾等。乌冬够烟韧，，唔会一夹就断，每条乌冬都炒到够味够色水。而且用铁板热辣辣上，食到尾仍然好够热，抵赞。椰香焗咖哩猪扒饭，有一层厚厚芝士，食落拉丝，浓厚的咖哩椰香味重，配上份量满满的香煎猪扒及炒饭底，推介。