劉平記麵家 (已結業)

入长洲，个个唔系食大鱼蛋，就系食芒果糯米池，今次同朋友入长洲想舒舒服服坐下，轻松一下，于是拣左入呢间好地道茶餐厅。下午茶时间，我地拣左好多大路野，估唔到有惊喜呀！西多士岩岩炸起，热辣辣，脆卜卜，佢最特别之处系配炼奶，而唔系糖浆，呢个配搭唔系周围有，好特别！朋友分别叫左草莓同蓝莓多士，多士烘得好脆，而且用上厚多士，劲有咬口！黎到长洲，点都要叫下海鲜，轻食黎讲，我地叫左云吞同鱼皮。云吞皮够薄，鲜虾大大只，好配无食过Ｄ咁有诚意既虾饺！鱼皮系自家炸，好松脆，阵阵鱼皮香，当小食一流！平时去长洲可能唔易发现到佢，因为佢既位置较远，近球场空地个面。不过系一间好有心既老字号小店，有机会去长洲要再去食！