金子半之助 (新都會廣場) (已結業)

Happy friday，同田会长去了日本过江龙人气天丼店-金子半之助，呢间大家都想试好耐，机缘巧合之下可一试了www。晚餐时段果然好多人，7点几去到已有人排队～大约排左15分钟入座。餐厅以木系系为主调，感觉和风，暖色灯光感觉柔和。有用餐教学。主打天妇罗丼饭，选择并不多都好合理，除左饭亦有乌冬拣。上天丼，$118，天妇罗，即叫即制热腾腾，炸物呈深褐色，有白身鱼、海老、小柱鱿鱼天妇罗饼、温泉蛋、海苔及荚豌豆，附上味噌汤及渍物，份量十足。卖相睇落都几油下，脆口同时又好油，唔够干爽，白身鱼比较有鱼味，其他的味道普通，用浅碗非常好，米饭量唔会太多，份量适中，酱汁甜，都几多汁同浓味，我果碗太多汁，会长果碗就太少汁，太有相差了⋯食到差唔多一半再捞温泉蛋食，口感更丰富。渍物⋯呢一刻觉得渍物好需要，因为酸酸去油腻.......。江户前天丼，$138 ，田会长的，最有份量的天丼，30cm长的穴子(星鳗)，卖相够晒霸气。黑豆茶帮助解油腻，狂饮左。价格合理，但实在系太油同腻，可能每间分店唔同。