焼き鳥。来 (已結業)

喺太子大南街附近同朋友食完晚饭，意犹未尽咁行下倾下计先🤣见到有间日式串烧店，烧到好香吸引，忍唔住要外卖几串返屋企食🐷厚切牛舌(2PCS) $48————————————果然系厚切牛舌，正呀，面层洒上盐同胡椒等调味，非常入味，口感脆弹、有嚼劲，唔会过韧，韧度刚刚好！真系好出色嘅烧牛舌。日本鸡皮串 $15————————————系保持鸡皮烟韧嘅烧法，口感劲正，又保留到鸡皮邪恶到爆嘅油脂，烧得刚刚出，啲鸡油味逼晒出嚟又唔会有㶶味👍🏼日本鸡肝串 $18————————————大大嚿鸡肝，烧得刚好，入口有点粉粉地嘅感觉，一细啖已经好浓味。