天毅金燕窩莊 (已結業)

饮完早茶走去天后既天毅金燕窝庄食糖水，今次系第三次去，实在难忘呢度既香芒。石斛木瓜炖雪蛤 $38味道普通，内有 2 条石斛，我将一条放入口咬，硬的，但慢慢有一些脂膏渗出来，最后剩下渣子唔食得。石斛功能滋阴清热，可以「补五脏虚劳，强阴益精，久服厚肠胃」。椰汁紫米冰糖燕窝 $48唔算系靓紫米，椰香味唔够，但都可接受。我的至爱，富贵黄金窝 (香芒燕窝捞) $58 一个，芒果味非常香甜！一个字 <正> 呀！其实食甜品好味就可以，有无燕窝对我来讲系无所谓，帮衬呢间都系大家一场开心多过想食燕窝，燕窝味被甜味遮盖，实在无法得知燕窝味道。