Al Molo Ristorante Italiano (已結業)

今日攞左半日大假去中环签文件，顺道揾朋友仔食个 Lunch 加 Tea 啦 ﹗下个月会同班朋友黎依度聚餐，我先黎视察一下先。依个钟数无咩人，环境清静舒服。有露天坐位，如果净饮野我都会考虑坐出面既，但系晏昼咁鬼热同埋食饭，都系室内好啲。只有一位貌似外藉人仕既 waitress 乍㖞，唔通晏昼落晒场？依间餐厅唯一一个 set，就系 Tea 喇 ﹗Pizza 加 Beer，无 set lunch 无 set dinner 架 ﹗发现 lunch menu 同 dinner menu 都有啲唔同㖞。冻斋啡，我已经讲左两次走甜架㖞 ﹗依家无走甜不特止，仲甜到似饮紧糖水﹗极度难饮呀 ﹗饮一啖就掉埋一边，放弃 ﹗我都费事叫佢地换喇，叫杯啤酒顺返条气好过 ﹗Stella daught，整返 round 先 ﹗下午 3 点几的生啤 ﹗我自问都系一个酒鬼，酒量非浅，但 Stella 真系好鬼易醉呀 ﹗连我都有啲顶唔紧，晕晕地呢 ﹗脆皮香草面包，无跟黑醋㖞 ﹗只系配左个唔知咩酱加橄油啰 ﹗但依个酱好特别，好香而咸咸地，同件面包既味道非常夹，越食越想食，最衰旧包系冻架呢 ﹗面包味浓，外皮略脆，里面软棉，满意。