藍象泰國餐廳 (已結業)

今日响尖沙咀收工，就同友人嚟到附近的海港城行街同食饭，揾左一间泰国餐厅，几有情调，食物又几有水准，最重要系几扺食。呢间蓝象泰国餐厅，响海港城三楼，近中港城个边，位置唔难揾。入面布局都以蓝色为主调，连餐具也是宝蓝色，而配合昏暗的环境，情调一流。基本上整体食物价钱在海港城而言，可以话好扺食，部分一百蚊有找。蓝象特色冬萨公配大虾，也是用左蓝色器皿盛载，卖相好吸引。个汤唔算好辣，但好有冬萨公的味道，唔食辣的朋友都值得一试。而大虾肉质滑又大只，最好就系已mock了半个壳，好易食。烤猪颈肉全部薄切，切到每块都差不多，刀攻不错，而猪颈肉咬落几爽弹，而泰式酱酸酸辣辣好惹味！鱼露虾干炒椰菜苗，虽然食不太到鱼露味，但菜苗就好新鲜又爽，而配合埋D虾干一齐食，层次感丰富。呢碟烧大虾炒金边粉真系要大赞，卖相唔错之余，仲有惊喜，个金边粉炒得好好，干身得来，唔会一旧旧，加上调味都做得好出色，非常惹味，旁边有糖、辣椒粉等，唔洗点捞都已经好够味，而只大虾入面好多虾膏，超正。总括嚟说，呢间餐厅水准好高！