鳴越越式料理

营业中

休息中

今早因为要赶住做完个report畀老细，结果搞到三点钟才可以出去食晏。 正考虑不知食乜好 ，突然醒起公司附近有间越南餐厅下午茶有折; 一于就去试下。餐厅要落地牢，店内以绿色为主调，挂上不少越南风景和特式美食的画;地方算是阔落。下午茶价钱约四十至五十不等，另外再配小食和饮品添。 而呢度嘅小食都几多选择㗎。越式海鲜炒金边粉 呢个炒金边粉份量都几大，有虾、青口、带子和少少杂菜，算是足料。但与我平时食惯啲有些小唔同， 就是冇左花生碎和蛋丝，所以冇咁香口。 不过咁嘅价钱又有咁多料都算合理。越式炸春卷春卷炸得香口皮脆，包著都是红萝卜丝、肉碎、沙葛丝、粉丝等等;亦带有胡椒粉调味。食时加埋甜酸酱和生菜一齐食，即时令口感清新 和不油腻。金桔青柠梳打 青柠一向是我至爱，所以餐饮当然要饮青柠梳打啦!估唔到佢嘅梳打水唔系用普通罐装果种，是樽装的而牌子亦不曾见过。 柑桔和青柠份量都很多，所以饮落非常开胃和消暑解渴。