玉桃軒酒家 (康怡廣場) (已結業)

久唔久我都会去酒楼食吓饭，宜家喺酒楼食饭平食，2个人埋单都差唔多都要成$600,今日俾我见到太古呢间酒楼，竟然用3百零蚊就可以食蒸海斑，烧脆皮鸡，仲可以拣多个小炒。平嘅仲有呢啲，不过得两丁友食唔到咁多。可以嘅过下次要试下个片皮鸭。可以提早带妈妈嚟食鲍翅只鸡size都唔细，啲皮炸到脆卜卜，脂肪唔多。超多肉汁，鸡味都算浓。清蒸海斑，都有成十三，四两重，食落滑口，一啲都唔醒。小食有成10几款拣，我就叫咗个生炒咕噜肉，镬气非常足，食落酸酸甜甜，味道啱啱好。外脆肉嫩。