金玉滿堂

营业中

休息中

同朋友喺大围食完饭，因为佢好多嘢要倾诉，所以就转战下场食甜品。因为食开𠮶间执咗，上openrice望见呢间好似几ok就行咗过去帮衬。天时暑热，一定要食冻嘢，睇相见个天鹅西瓜盅同金箔龙眼冰都好吸引，天人交战一轮下，终于嗌咗2个金箔龙眼冰。睇相真系好澎湃，啲龙眼铺满晒个「冰山」，可惜实物嚟到得大约2/3左右，有啲失望。龙眼算清甜，但个冰底劲淡，近乎冇味，出面多数都系椰汁冰底，佢呢个食落似清冰，龙眼上面洒咗少少金箔做点缀，卖相还可以。