勁回味

营业中

休息中

琴晚本身食左野，但觉得唔系好够饱，所以番屋企前都顺路食劲回味。劲回味大名都听过好几次，上次黎到又食左隔离新野。铺面唔大，但手卷款式唔少，摆到明话你知系行平价路线~心大心细一轮。三文鱼腩手卷 $20见到佢图片影到有四片三文鱼腩，本来睇死佢唔会俾足，点知实物符合图片，真系见到有四片！卖相非常一般，可能价钱平，只能用张厨房纸包住条手卷，加上成条手卷卷冇炼到好实，所以危危芙，就散就散咁。即系类似屋企包嘅手卷。三文鱼腩有四片，虽然比较薄身，不过起码冇取巧，加左几条青瓜。食落肥美称唔上，不过应该切得比较长身，所以真系食到底！难怪啲人都称佢大件夹抵食。饭比较松散，好似屋企嘅白饭，而且暖暖地，令紫菜腍得较快，所以食到底部冇乜饭嘅位置先脆番少少。整体黎讲，呢条手卷都系正常水平，冇话特别正，所谓四片鱼腩都其实系切成条状，唯独抵赞系食到底都有料。比较惊讶系我留意到佢地嘅营业时间居然系3pm - 5am~夜一夜都有得食。