影片
更多
2025-01-17
152 浏览
今晚呢一餐真系完全丰富到讲唔晒，真系只能够话尽量讲得几多得几多。佢哋而家做紧呢个刺身系$298 ，有皇帝贝，皇后贝同埋加拿大马粪海胆。皇帝贝即系扇贝，一粒扇贝可以切到三片出嚟可想而知佢本身真系几咁厚身，最重要完全系鲜甜到不得了。以皇后贝就系我哋平时食到嘅北寄贝，完全系一个成年人嘅手掌咁大只，佢个肉质比较鲜甜爽脆，真系好好味。而最最最最最令我哋满意嘅系佢嘅海胆，男朋友本身对海胆嘅要求好高，有少少唔好嘅味道佢都唔会食，所以好少喺香港食海胆。但系呢度佢直言话真系一啲唔好嘅味道都冇，反而仲好鲜味，赞不绝口啊。当我哋食得咁开心嘅时候职员同我哋讲如果分享同埋follow佢哋嘅社交平台，餐厅仲会送多一份刺身沙律，呢份沙律都唔错㗎，有北寄贝，大虾，八爪鱼，希灵鱼子，带子粒，绝对唔会因为系送嘅嘢而偷工减料㗎，全部都好鲜甜。另外佢哋仲有濑尿虾$48只，呢个真系劲抵，唔嗌真系对唔住自己。全部都有差唔多前手臂咁大只，剥开啖啖肉，又系新鲜嘢。🫖食完咁多生冷嘢，之后个餐入边仲包咗个炖汤俾你暖暖胃，而佢啲壶炖汤都唔少嘢㗎斟极都仲有，好足料好甜，对于呢个味精敏感嘅人嚟讲饮得出绝对冇味精添。讲咁耐都以为自己去咗海鲜舖，
佢哋而家做紧呢个刺身系$298 ，有皇帝贝，皇后贝同埋加拿大马粪海胆。皇帝贝即系扇贝，一粒扇贝可以切到三片出嚟可想而知佢本身真系几咁厚身，最重要完全系鲜甜到不得了。
以皇后贝就系我哋平时食到嘅北寄贝，完全系一个成年人嘅手掌咁大只，佢个肉质比较鲜甜爽脆，真系好好味。
而最最最最最令我哋满意嘅系佢嘅海胆，男朋友本身对海胆嘅要求好高，有少少唔好嘅味道佢都唔会食，所以好少喺香港食海胆。但系呢度佢直言话真系一啲唔好嘅味道都冇，反而仲好鲜味，赞不绝口啊。
当我哋食得咁开心嘅时候职员同我哋讲如果分享同埋follow佢哋嘅社交平台，餐厅仲会送多一份刺身沙律，呢份沙律都唔错㗎，有北寄贝，大虾，八爪鱼，希灵鱼子，带子粒，绝对唔会因为系送嘅嘢而偷工减料㗎，全部都好鲜甜。
另外佢哋仲有濑尿虾$48只，呢个真系劲抵，唔嗌真系对唔住自己。全部都有差唔多前手臂咁大只，剥开啖啖肉，又系新鲜嘢。
🫖食完咁多生冷嘢，之后个餐入边仲包咗个炖汤俾你暖暖胃，而佢啲壶炖汤都唔少嘢㗎斟极都仲有，好足料好甜，对于呢个味精敏感嘅人嚟讲饮得出绝对冇味精添。
讲咁耐都以为自己去咗海鲜舖，但系其实呢度系做紧火锅锅任食，食咗咁耐其他嘢终于入正题。首先会系一个鸡煲，我几欣赏佢呢度个鸡煲酱唔会太过浓味，味道啱啱好少少辣，鸡肉都做到啱啱好嘅熟度，够晒嫩滑多汁。
而我欣赏佢唔够浓味嘅原因系因为仲有一盘海鲜等紧我哋，呢盆海鲜都系不得了，除咗因为㓥开咗嘅龙虾同埋奄仔蟹之外，虎虾同埋鲍鱼上到嚟都系识郁㗎。当你食完鸡煲之后佢就会俾你拣汤底，我哋拣咗个三色汤底就正式开始打边炉。
而佢𠮶半只龙虾亦都系爆晒膏，最重要系蓝龙嚟架，个龙虾嘅香味都好出，最重要系切好晒啖啖肉。
而佢只奄仔蟹虽然个size唔系好大，但系都系爆晒膏架，而啲蟹肉都好嫩好鲜。
好啦，终于都食晒啲海鲜啦，唔好以为就咁就完啦，因为佢俾你任食嘅火锅料入边都仲有好多海鲜俾你拣㗎，包括头先食到嘅鲍鱼都系任食㗎。仲有好多鱼类肉类菜类饺类丸类乜都有，当你由头到尾个老细仲要惊你唔饱，你想走嘅时候仲要问你「真系饱啦」，呢一句简单嘅关心好睇得出呢度老细真系好有心令大家食得开心。
其中佢有一样火锅配料都几特别嘅就系呢个A 4豆腐纸，就咁睇个名真系唔知咩嚟，但系原来系咁嘅样㗎，𠮶个热汤就会好似平时食豆浆面头𠮶浸衣咁样，几香豆味㗎。食咗咁多嘢系咪唔好以为要过千一个人，其实都只系讲紧$398一位，九点后过嚟食仲有八五折添，老细真系唔怕蚀本，只怕你唔食。
张贴
