影片
更多
2023-01-11
455 浏览
第一个post 想介绍一间由中学食到出黎做野既小店☺️ 唔知开业实际系几时，但最少15年+ ，见住佢由细铺搬到大铺， 太子街坊都一定识 😄 汤白菜肉饺 10只 $55 3 个灵魂， 饺子， 汤， 同辣菜脯 🌶️ 饺子： 有三款，白菜，韭菜，同云耳椰菜。 白菜系我嘅最爱，用既系小白菜唔系包心个种。 通常最快卖哂， 有时下午6点几就冇得食。 原因系因为白菜处理工序比较多，一黎多沙，二黎煮完再揸干水先可以包饺子，店舖人手有限，所以每日供应都有限。 饺子皮薄、烟韧又饱满， 煮完会喺外面会透到啲菜嘅翠绿色，食落会咬到新鲜蔬菜应有嘅爽脆，唔会觉得自己净系食紧一旧冇层次嘅肉团。 野葛菜煲生鱼猪骨汤： 铺头唯一一个汤底，味道好特别，鲜甜顺喉， 唔系鸡汤/蕃茄汤咁常见，而喺出边揾唔到嘅。以前唔觉得呢个汤底有咩咁特别，但后来发现佢系令人最怀念，最令人想番转头嘅味道。所以我每次都会饮晒！辣菜脯： 菜脯调味辣度适中又有油香， 加埋豉油，咸香辣既组合会令到一碗清淡简单嘅饺子，惹味10倍！ 所以无论重口味定淡口味嘅人都可以满足得到 ☺️除左汤饺之外， 都有脆卜卜煎饺，但因为太欣赏个汤，次次都会叫汤饺😋 男士黎到怕唔够饱
汤白菜肉饺 10只 $55
3 个灵魂， 饺子， 汤， 同辣菜脯 🌶️
饺子： 有三款，白菜，韭菜，同云耳椰菜。 白菜系我嘅最爱，用既系小白菜唔系包心个种。 通常最快卖哂， 有时下午6点几就冇得食。 原因系因为白菜处理工序比较多，一黎多沙，二黎煮完再揸干水先可以包饺子，店舖人手有限，所以每日供应都有限。 饺子皮薄、烟韧又饱满， 煮完会喺外面会透到啲菜嘅翠绿色，食落会咬到新鲜蔬菜应有嘅爽脆，唔会觉得自己净系食紧一旧冇层次嘅肉团。
野葛菜煲生鱼猪骨汤： 铺头唯一一个汤底，味道好特别，鲜甜顺喉， 唔系鸡汤/蕃茄汤咁常见，而喺出边揾唔到嘅。以前唔觉得呢个汤底有咩咁特别，但后来发现佢系令人最怀念，最令人想番转头嘅味道。所以我每次都会饮晒！
辣菜脯： 菜脯调味辣度适中又有油香， 加埋豉油，咸香辣既组合会令到一碗清淡简单嘅饺子，惹味10倍！ 所以无论重口味定淡口味嘅人都可以满足得到 ☺️
除左汤饺之外， 都有脆卜卜煎饺，但因为太欣赏个汤，次次都会叫汤饺😋 男士黎到怕唔够饱仲可以加底/ 叫车仔面 ！
铺名真系改得好好， 饺子美味，实而不华。
张贴
