阿元來了 (已搬遷) 新店位置

今次经过西环数字街，点可以放过新开嘅台湾料理小店！今次真喺相机来了...舖面设计已经好有台湾风味，内里装修又与别不同，完全冇豪华装潢，反而充满台湾地道小店风味！正！因为夜晚七点到，已经卖咗好多嘢，剩返可以 order 嘅𩠌真喺唔多！我哋两个人叫咗好少嘢！首先叫咗个《鸡肉饭》！哗！一上枱就觉得好细碗！但我朋友话27蚊你想点呀？卖相真喺普通，口感唔算特别！但味道真喺一流，有鸡丝，酸菜，仲有啲唔知名嘅酱汁，好味！食台湾嘢，点可唔以唔饮《珍珠奶茶》！奶茶比较甜身，喺台湾料理嘅特色！但里面嘅珍惜唔喺波霸级别，而且比较硬身！可能喺台湾特色，唔同传统饮开嘅硬度！因为个饭太少，所以叫咗碟《盐酥鸡》，份量正常，一两个人啱啱好！口感有咬口，外脆！而且比较咸，有埋啤酒就一流！《卤水拼盘》喺两只鸡翼同卤水蛋，真喺同香港食开嘅份量真喺有好大分别！但味道就真喺唔错！鸡翼同卤水蛋都好入味！两个人夹咗50蚊左右！上环数字街区中，都算抵食！但份量多返少少会更好！