十二味貴陽牛肉粉 (已結業)

早前睇网站见到呢间牛肉粉好似好正，不过好多人排队，我就趁下午茶时间鼠出嚟试吓！好彩两点半黎到唔使排队。门口有一系列嘅调味酱产品。叫咗全家福牛肉面因为乜都有齐嗮，好大碗！另外加左豆干同埋卤蛋，加完送到黎先发现原来全家福牛肉面都附有。汤底系清炖汤底，味道清清地有啲牛骨味，配上滑嘟嘟嘅米线味道唔错！d𩠌亦都好丰富！有牛肉粒、牛展、牛筋、牛肚仲有豆干同卤蛋，一碗面足够两个人食。所有嘅牛腌得好入味而且唔韧。天气咁热，另外仲叫咗个凉面，职员推介有新口味，可以加啲孜然辣粉，我地就试左一个，啲面系京式冷面，无米线咁软身，加上左啲辣粉同辣油令整个面食落好刺激！另外配上一份五香牛筋，质地软淋五香味浓，好match! 最后叫多个卷粉都系冻食嘅，我个人就最喜欢呢个，佢落咗小小醋调味令个粉食落好开胃，而且个粉烟烟韧韧好正！上边有啲好似炸猪油咁嘅脆粒，好香口！配上青瓜丝好啱夏天食！题外话，枱上面仲有少少温馨提示，感觉呢啲小店好窝心！