珠記

营业中

休息中

呢晚又走咗去珠记度食。今晚终于有机会带我两位讲咗好耐要去珠记嘅朋友去食。一行三 pair人，誓要去食到破纪录。 （纪录有一次2 pair食咗16碟𩠌）讲番珠记先，其实我帮衬咗珠记好多年。珠姐为人好老实，海鲜够新鲜够足两。价钱抵到爆，小菜获气又够。我成日都唔明佢厨房咁细，点可以煮到咁多张枱，仲要碟碟热辣辣大大碟。今晚食咗好多好多，不能尽录。椒盐鲜鱿够干身够厚身，送啤酒一流蛏子新鲜，炒蚬无沙。黑椒炸鲍鱼系招牌菜，出面好少食到。正红烧乳鸽好 juicy有鸽味, 沙田𠮶D真系行埋一面。珠姐教最好开边食，好个斩四旧。好介绍沙爹牛肉粉丝煲，咕噜肉，煎酿双椒，炸大肠，粟米班块，个个都好出色。仲有个鱼香茄子D咸鱼香到呢。。。生炒糯米饭够爽身。不过今晚过羊腩煲就麻麻地，D肉太瘦，汁太稀，失咗手。其实佢地嘅一碗白粥一碗汤米粉都做得好出色。好有 heart... 喺咁嘅环境食到咁高水准，珠记。PS:小弟建议直接去珠记叫海鲜，毋须喺街市买海鲜. 因为我唔觉得自己买D海鲜靓𠮶佢同抵过佢𠮶D。除非你系海鲜专家。