德勝小廚 (已結業)

上次到上环工作试过德胜小厨 梅子蒸鸭饭 觉得好有特色，因为用梅子酱点烧鸭/烧鹅嘅粤式烧味，应该除咗食斋嘅之外，只要系香港长大应该冇边个会未食过，反而用蒸嘅烹调方法唔系度度都有。呢个特色午餐每日供应。今日与同事再过嚟上环工作都推介咗佢试一试。自己今日就想试 生炒牛肉饭，事缘早几日看讨论区刚巧见到有人推介呢度嘅生炒牛肉饭。呢个炒饭除咗大大碟够饱肚， 啲牛肉粒系用手切牛肉粒并非揸流滩用机碎免治牛肉，成碟食完亦唔见碟底有油，真系好功夫。虽然店面冇醒目既装修， 甚至饭店嘅格局有少少似自七、八十年代未改动过嘅装修；不过食完两餐完全感觉到扎扎实实卖嘅就系实而不华。