影片
更多
2024-04-10
4896 浏览
本身都聽聞國金軒食物質素相當對得住個價錢，於是新年一家人就去試一試。國金軒環境相當舒適闊落，夜晚時間去唔會好多人，環境都相對安靜，都幾適合一家人聚會。‣ 金箔魚子醬乳豬鵝肝脆多士 $248多士相當香脆可口，而乳豬都冇令人失望，同佢望落一樣脆卜卜。而搭配上鵝肝醬令到成道菜嘅層次提升咗唔少，口感相當豐富，個份鹹香真係令人意猶未盡。可惜就係魚子醬味道唔突出，就同金箔一樣作為點綴裝飾用。‣ 北京片皮鴨 $988（＊要提早預訂）片皮鴨可以話係相當出色，皮脆肉嫩，肥瘦適中，搭配哈蜜瓜、青瓜、京蔥同海鮮醬可以話將鴨嘅香發揮到極致，最重要係食完唔會覺得好肥膩，果然係備受推薦嘅一道菜。‣ 欖菜辣子爆龍蝦 $488本身上菜覺得個樣唔係話好討喜，結果好大驚喜！想像中係好似避風塘咁樣嘅味道，甚至有諗過可能都比較辣，但結果完全唔係呢一回事！欖菜惹味得嚟又唔會掩蓋咗龍蝦嘅味道，咬落去相當鮮嫩彈牙，肉質飽滿，食完會想繼續再食，印象深刻過片皮鴨。#foodbara_diary
‣ 金箔魚子醬乳豬鵝肝脆多士 $248
多士相當香脆可口，而乳豬都冇令人失望，同佢望落一樣脆卜卜。而搭配上鵝肝醬令到成道菜嘅層次提升咗唔少，口感相當豐富，個份鹹香真係令人意猶未盡。可惜就係魚子醬味道唔突出，就同金箔一樣作為點綴裝飾用。
‣ 北京片皮鴨 $988（＊要提早預訂）
片皮鴨可以話係相當出色，皮脆肉嫩，肥瘦適中，搭配哈蜜瓜、青瓜、京蔥同海鮮醬可以話將鴨嘅香發揮到極致，最重要係食完唔會覺得好肥膩，果然係備受推薦嘅一道菜。
‣ 欖菜辣子爆龍蝦 $488
本身上菜覺得個樣唔係話好討喜，結果好大驚喜！想像中係好似避風塘咁樣嘅味道，甚至有諗過可能都比較辣，但結果完全唔係呢一回事！欖菜惹味得嚟又唔會掩蓋咗龍蝦嘅味道，咬落去相當鮮嫩彈牙，肉質飽滿，食完會想繼續再食，印象深刻過片皮鴨。
#foodbara_diary
金箔魚子醬乳豬鵝肝脆多士
$248
96 浏览
0 赞好
0 留言
欖菜辣子爆龍蝦
$488
100 浏览
0 赞好
0 留言
北京片皮鴨
$988
386 浏览
0 赞好
0 留言
张贴
