北京樓 (MOKO新世紀廣場)

营业中

休息中

好耐以前同屋企人食过元朗间北京楼，记得个时食既烤鸭肥美多汁，近日行过沙田见到北京楼，一时口痕就入左去食，结果真系难食！食物方面我地叫左个4人餐（$888），认真呢个价系几抵，然而，食物方面无一样系打得～前菜（冷艳三并）难食到震，个茉莉花茶烟素鹅真系搞唔绽，一大阵烟灰同㶶味。前菜既角色系开胃，但佢完美咁封左我个胃🤪。云腿花胶云吞鸡汤咸到乜味都食唔出，饮完要博命灌水，云吞足料几好食。松子黄花鱼，失败！众所周知黄花鱼系海洋十宝之一，肉质鲜嫩。然而，呢道菜完美浪费左条鱼！！条鱼明显炸过龙，鱼肉有d鞋，外皮好硬仲要有浸臭油味 烤北京填鸭系今日既主角，讲真，唔好食🤣鸭肉鞋得黎又瘦，无乜鸭香味。食完第一旧都唔想食第二旧🤧（同埋我7点20分已经叫员工烤左只鸭先，结果8点40分先上呢只鸭，大家都食饱哂先上🫠）估唔到成张枱唯一食哂既菜系瑶柱蛋白炒饭（足以证明其他𩠌菜几唔太欢迎）🤧 炒饭炒得几干身香口，同出面酒楼一般水平。