日牛涮涮鍋專門店 (已結業)

又到星期日冇工人姐姐嘅时候，落街揾嘢食，今日好想食牛肉涮涮锅，呢间食店成日都排长龙，今睌六点未够落到去，终于唔使排队。一家三口可以各自拣喜欢的汤底，因为系一人一锅，阿女拣咗番茄，老公拣左鸡汤，我自己拣咗甜甜地嘅寿喜烧汤底连一只鸡蛋，牛肉是特选澳洲谷饲牛，仲可以食鸡肉及豚肉。出面自选区有几款日式丸子、芝士肠、各类蔬菜、菇类、莲藕、薯仔、粟米仔、豆腐、乌冬等等。热饮咖啡机及汽水都是任斟任饮。一开始侍应送上一盘猪肉鸡肉及三盘牛肉，几款肉都好新鲜。特选牛肉采用澳洲谷饲牛，脂肪分布好平均，薄切，一放落锅就熟，因为切得好薄，可以食多好多盘，肉质口感都不错，入口即溶。豚肉都好香好好食呢，encore咗两盘。每人只可以食90分钟，最后冲线，拎咗杯乳酪加一些豆豆，可以拎住出去食。