老媽拌麵 (北角匯二期)

营业中

休息中

老妈拌面台式小菜套餐，三杯鸡! 呢款菜系用热热既石锅上，上到黎仲系炸炸声刚刚滚起，闻落已经超级香同惹味，D汁入晒味，鸡既肉质仲好嫩滑，真系不得了，送饭好开胃，绝对系餐厅既人气菜式。前菜系随机发放，配左肉松豆腐，冻冻地好好味好开胃。另外我地加配左蒜香麻辣猪耳，亦升级左饮品做黑糖珍珠奶茶。食台式野一定系要饮珍珠奶茶啦，几好唔算太甜，珍珠够Q弹! 麻辣猪耳好爽口，又系非常适合送饭，倾住计食愈食愈上瘾，好快就食晒。川味红烧三宝牛肉汤面，即系牛展，牛肚同牛筋。面都有得选刀削定系幼面。我地当然系试刀削面。牛三宝大概每样都有两三件，大推! 牛展好嫩，牛肚爽口弹牙，牛筋好软好多骨胶原，面质好挂汤好滑而且因为佢既形状特别而好有口感，个汤唔算好辣但后劲都刺激。我都几钟意呢度既红烧三宝!个面加30蚊我升级左做餐，今次有蜜饯车厘茄做前菜，饮品(唔洗加钱)都有好多选择，金罗汉果海底椰非常润，好有味道。最后仲有草莓酱雪糕作结真系好完美。加上餐厅系北角汇近海边既位置，可以睇住海同日落食享受晚餐，好有旅行既感觉。