伙食工業 (已結業)

圣诞假期想同朋友聚吓，专程再次黎呢度食吓饭。呢度嘅装修好有心思，工业风墙身、水管、怀旧电影海报... 连厕所都好靓，如果第时有间屋嘅话都想参考吓啲布置。餐牌有几多选择。蕃茄牛肉煲，牛肉同牛筋非常多，估计系三至四人份量黎。成个煲仲会有生菜同白饭附上，打开盖个阵香气四溢，牛筋都煮得非常冧，呢啲冻到打冷阵嘅天气食到咁暖嘅野好幸福呢。牛肉面非常足料！感觉冇吝啬到牛肉，粗面亦挂汤。牛筋同牛肉煲一样，煮到好易咬开。鲁肉饭嘅猪肉个人觉得肥瘦度刚刚好，但如果想食肥猪肉嘅话，呢个饭可能会有啲太瘦。而且肉躁量唔太够送饭。但整体觉得都有台湾味道。澛水拼盘非常大份，猪耳好爽口，鸡翼、豆腐等都好入味。健康地叫碟蒜蓉炒A菜，唔太咸份量又多。黑松露薯条个酱太好食，几乎唔记得仲有茄汁存在。加上咗调味粉后味道唔单调。甜品嘅芋圆入面仲加咗珍珠，非常大份，但冰就似乎系普通冰，如果系牛奶冰，溶咗之后味道唔会变淡就更好了。水蜜桃沙冰几清新，就算系罐头桃，加落沙冰都令人好满足。因为位置几僻，所以假日想揾个冇咩人嘅地方静静地坐吓，呢度系一个好选择。