Lamma Grill (已搬遷) 新店位置

系榕树湾行来行去，不停睇下食乜野，海鲜就唔太想食，一来觉得会好贵，本来去左BWC坐底左，但系啲野食真系唔夹我念住味。经过一间门口都有啲暗，但望穿个铺位可以见到有露天位系个铺位既最尽头，既然都无乜心水，揾个海景休息一下都好。一入到去，有个好热情既鬼佬say Hi，跟住自己揾位，佢就攞menu跟住，环境真系唔错，今日又有啲凉但又唔晒，正。Beef Burger 正爆，好juicy，又多唔同既伴菜，加埋有两款酱汁，味道非常配合，一百蚊左右，绝对超值。Mixed Grill，原来个份量好大，有3条肠，两件小牛扒同3条ribs，仲有一碗好有墨西哥风味既碎肉酱汁去配一大个basket既粗薯条。碎肉酱汁配粗薯条系非常好味，一定要试。虽然无试过pizza，不过见到隔离两枱都有食，睇样都好掂。