千上日本料理 (已結業)

因有事嚟到尖沙咀附近处理，顺便食埋晚饭，男朋友话成日经过宝勒巷见到都几多餐厅，咁就拣左呢间系酒店入面嘅千上日本料理。咁岩地下装修无左停车场，对面街嘅车又抄晒牌，唯有泊入对面停车场啦，都要＄３２／钟，食到半碟刺身架喇呢间舖嘅装潢都几得体，而且店员姐姐都好好招呼，送埋我上楼梯，餐厅唔算好大，但有吧枱亦有卡位。店员安排我地坐独立房，有需要可以按钟叫人，我地见天气冻冻地，就试下呢度推介嘅豚肉火锅暖下身啦。前菜枝豆咸咸地几好味，唔觉意食左好多火锅汤底都系豚骨汤，先嚟左个蔬菜盘，份量都几丰富，最后我地两个人都食唔晒，主角豚肉出场喇，油花分布得几平均，食落唔会好韧。豆腐好滑，落煲都唔会散，但又唔会好实。仲有赞歧乌冬，好弹牙。Sauce方面有芝麻酱，同埋柚子酱油，几清新。 为食嘅我叫多左份三文鱼刺身，都几厚，够晒肥美！坐房真系几写意，够晒私人空间，下次再嚟嘅话会想试下其他日本料理。