A La Umai (已結業)

天后既商业区，竟有一处宁静既餐厅，灯光昏暗浪漫有气氛，25层楼高，可以边食边欣赏海景同夜空。前菜黑毛猪风干火腿伴哈蜜瓜，加一点黑胡椒，突显出火腿既味道，哈蜜瓜好甜好爽。头盘卖相好靓，还以为是蔬菜水果类，食落竟然是....烧左既鱿鱼筒入面是明太子，两者混合既味道好夹，相当有惊喜同心思！鲜蚝忌廉汤，闻到好香好浓既蚝味，加入黑胡椒，每一啖都充满住蚝既鲜味，浓烈既味觉效果。主菜1/2波士顿龙虾黑雪鱼配蟹肉忌廉汁，龙虾味道鲜甜还有膏，黑雪鱼煎得够香鱼皮够脆，鱼肉美味，伴碟既红萝卜、露荀同薯蓉都好好食！甜品有cheese cake，食埋个甜品令我感觉呢餐好满足！我话唔喜欢甜既白酒，店员介绍我呢杯Sauvignon Blanc，微微酸既最好就系中和返口内浓烈既味道。