原居民 (已結業)

今日系佐敦同supplier开完会已经成两点钟，淰住翻公司前食d野先，行行下，发现到呢间原居民餐厅，真系比区个名吸引到。门口摆设都几特别，有棵圣诞树。入到餐厅，可能系因为已经过左lunch time，所以唔多人，餐厅都几大，位置都几宽，摆设好整齐。比人感觉好舒服同整洁。睇餐牌，选择都几多，拣左个d餐，羊扒七成熟噶。我最爱噶蒜蓉包，一上台已经闻到好香噶蒜蓉味，忍唔住立刻要食啦。好脆好好味，d蒜蓉味好够。我拣左要沙律，个份量都几多，配醋食都唔错，d菜好甜好新鲜，好快就比我食晒啦。证明我好饿羊扒到啦。两件羊扒都几厚下，虽然肉质有小小硬，不过都算唔错。薯菜炸得几好，好脆，同埋好够味。餐厅提供芥末酱同薄荷酱配个羊扒。个芥末酱好重芥末，点小小已经好够，薄荷酱好清凉，点羊扒食完全中和肉类噶油腻感。全靠呢两个酱，我可以ko呢两件扒。最后呢个甜品，奶茶慕斯。食一啖已经爱上左啦，好甜好有奶茶味。又够滑。呢个甜品真系令到呢餐饭更有满足感。