一起果醬 (已結業)

夜晚黎到佐敦，我地选择去一个较少人的餐厅，可以静静地倾下计。依度环境简约，墙上有一个大大的JAM字，似乎系话俾大家知餐厅的主要特色。我和友人叫左几款小食同一个主食黎share。食物都好快就送上。先黎芝士条。芝士条一定要衬热食，咁先会有牵丝的效果。每款小食都有附上用手工果酱调制嘅酱汁，芝士条点少少酱汁，不错！食到果酱嘅香同甜，如果果酱味再突出少少会更好。鱼手指就系名符其实嘅鱼手指。没有惊喜。玫瑰苹果鸡翼有玫瑰嘅香气，味道几好。而且系单边鸡翼，食起上黎唔会太麻烦。每一款小食都配有醒胃沙律，用上柚子醋做酱汁，我个人觉得不错！软壳蟹意粉上有半只软壳蟹，对于软壳蟹爱好者黎讲可能会少左dd，不过意粉入面都有加入蟹肉，所以都算系几蟹架。意粉有好香嘅蒜味，只系略嫌蒜味重左少少，遮盖左其他配料嘅味道。最后，到甜品喇！九宫格士司有9款不同口味嘅果酱，全部都系手工架，由于系万圣节期间，面包系黑炭面包黎架。果酱味道都几特别，有d系意想不到嘅味道，例如木瓜，姜等等。各有特色，我个人就比较喜欢苹果同菠萝既。由于有多种口味，我建议可以俾客人知道各果酱系咩口味，等客人食完之后，想买果酱返屋企都知买咩口味呀嘛！