辦館 (KC100) (已結業)

肥C9觅食记《办馆-葵涌》肥C9岩岩个星期六听朋友介绍，就去左葵兴站附近既佛罗伦斯行下街(Window) shopping一下😆行到咁上下肥老公叫肚饿，咁岩隔离街有间好装修精美嘅Cafe，俾人一个好舒服嘅感觉，觉得可以喺𠮶度坐成个下昼🤩讲返正题先，肥老公系一个食肉怪，一口气叫咗两碗面食。一个系猪骨浓汤叉烧乌冬，另一个系餐蛋出前一丁。肥老公一食个乌冬，就即刻大叫左出嚟，个乌冬好有童年回忆嘅味道啊，我自己本身就唔系咁钟意食乌冬嘅，不过听完佢咁讲，即刻偷咗一啖嚟食，又真系好好味好有诚意，而且有好大碗。至于个餐蛋面，平时出去食啲茶餐厅都系一早煎定晒，呢间办馆嘅餐蛋面居然系即叫即煎，新鲜滚热辣，超好味。至于C9我，本身谂住叫咸牛肉西多士，点知卖晒，就改咗做黑松露蛋多士，好彩改咗做黑松露多士咋，啲黑松露好香好好味而啲鸡蛋好多汁😋😋其实食物都系其次最紧要系饮品因为我哋行完好攰要补充一下水份☺️本身谂住求其叫杯咖啡点知一嚟到个拉花靓到不得了！我哋临走仲叫多咗杯嘢饮外卖添！