大吉居酒屋 (已結業)

今日去左上环码头买定澳门船飞，就系中上环行逛，行到攰，六点几就去左中环大吉食个晚饭，之前仲系放题既时候食过都唔错。烧日本芝士年糕 $58，有三粒年糕，年糕面上有d 焦焦的，里面超多芝士，不过就油左少少。三文鱼加州卷 $148，里面有我最爱的牛油果、蟹柳同青瓜，寿司面上有三文鱼同蟹籽，都不错！鳗鱼芝士玉子烧 $118，蛋卷入面包住鳗鱼都少少芝士，芝士味唔太浓，蛋味也不算太香，鳗鱼有加上鳗鱼汁。赤味噌煮牛筋牛舌 $118，青豆切开左少少见到一粒粒青豆，有心思得黎卖相又靓。牛筋好弹牙口感好，牛舌好淋，味道都好，仲有只溏心蛋正。