正村壽司 (已結業)

今日再次同老婆冲出香港东区，去左湾仔食正村寿司。正村寿司乃系尖沙咀寿司正0既姐妹店，其中一个特点系佢地有两只唔同酱油(吟酿及昆布酱油)。两者主要分别系两种酱油比较适合配以红鱼肉或者系白鱼肉及贝壳类食用。由于普遍市场提供0既酱油都系较咸身0既，钟意食冇咁咸0既鼓油0既朋友可以有多一个选择。另外，呢度0既下午餐有个优惠，就系有部份0既寿司喺下午餐时段会由一碟两件增加到3件，所以虽然我地点左7款寿司，但系共有21件之多，所以都算系几抵食。而我个人都几钟意去黎度，因为呢个商场喺假日0既人流唔算多，呢个时间黎食野0既人相对唔系咁多，冇咁嘈就可以两个人(又或者一支公都OK) ENJOY 下一餐宁静0既午餐。我地第1 ROUND 叫左火炙三文鱼、火炙带子、吞拿鱼、𫠒红鱼同油甘鱼。呢几只里面个人认为油甘鱼同吞拿鱼(佢地话仙台直送，不过我就食唔出特别新鲜)都仲比较好，而𫠒红鱼亦都算系中规中举。但系好比较奇怪0既系两款火炙寿司竟然唔热 ... 我冇质疑佢系咪落ORDER先整，不过冇理由一D暖0既感觉都冇? 不过火炙寿司0既话唔暖0既话就真系只系麻麻啰。第2 ROUND就点左龙虾沙律同海胆鱿鱼，感觉个龙虾沙