影片
更多
2019-10-27
1066 浏览
呢日同呀妈去鲗鱼涌怪兽大厦打卡，顺便揾啲嘢食，由于早餐食得多，所以唔想食咁饱。见到东汇中心个水牌有间粥店，就一于去试下，个位置喺堆住宅后方，市政大厦街市对面。一入到去就有宁静社区小店嘅感觉，环境算几干净企理，坐位唔多，但不断都有街坊入嚟食碗粥🥣或买外卖，我偷听街坊同店员嘅对话，觉得应该系由一对母子经营，妈妈就负责煮，仔就楼面，佢地都好好礼貌好亲切。我哋一人要咗一碗粥，分别系自制猪肉丸粥($31)同蚝豉皮蛋瘦肉粥($38)。两碗粥都有少量葱同姜丝，粥底够绵，好多料，味道就唔系好浓，落少少胡椒粉🧂会好啲，不过可以肯定嘅系佢无落味精。而有两样嘢好抵赞，第一系蚝豉好大只好鲜，第二系猪肉丸好好味，口感够弹牙，入面仲好似有啲马蹄粒令到佢好爽，肉丸有成6粒唔会唔够喉👍。我哋加咗$10要咗条油炸鬼，ok啦啱配粥嘛，佢帮我哋剪开咗一嚿嚿。本身其实想要牛脷酥，不过卖晒，可能已经系晏昼啦。另外仲要咗碟叉烧肠粉$16🥢，有3条，味道唔错，热辣辣送上，唔系好滑𠮶种，但都几薄几有米香，又有唔少叉烧粒。总括嚟讲，呢到真系充满街坊小店嘅味道，成个感觉无平日连锁店咁公式化，粥品虽称不上非常惊艳，但都好食，价钱亦属大众化
呢日同呀妈去鲗鱼涌怪兽大厦打卡，顺便揾啲嘢食，由于早餐食得多，所以唔想食咁饱。见到东汇中心个水牌有间粥店，就一于去试下，个位置喺堆住宅后方，市政大厦街市对面。
一入到去就有宁静社区小店嘅感觉，环境算几干净企理，坐位唔多，但不断都有街坊入嚟食碗粥🥣或买外卖，我偷听街坊同店员嘅对话，觉得应该系由一对母子经营，妈妈就负责煮，仔就楼面，佢地都好好礼貌好亲切。
我哋一人要咗一碗粥，分别系自制猪肉丸粥($31)同蚝豉皮蛋瘦肉粥($38)。两碗粥都有少量葱同姜丝，粥底够绵，好多料，味道就唔系好浓，落少少胡椒粉🧂会好啲，不过可以肯定嘅系佢无落味精。而有两样嘢好抵赞，第一系蚝豉好大只好鲜，第二系猪肉丸好好味，口感够弹牙，入面仲好似有啲马蹄粒令到佢好爽，肉丸有成6粒唔会唔够喉👍。
我哋加咗$10要咗条油炸鬼，ok啦啱配粥嘛，佢帮我哋剪开咗一嚿嚿。本身其实想要牛脷酥，不过卖晒，可能已经系晏昼啦。另外仲要咗碟叉烧肠粉$16🥢，有3条，味道唔错，热辣辣送上，唔系好滑𠮶种，但都几薄几有米香，又有唔少叉烧粒。
总括嚟讲，呢到真系充满街坊小店嘅味道，成个感觉无平日连锁店咁公式化，粥品虽称不上非常惊艳，但都好食，价钱亦属大众化😊，简简单单喺到开餐都唔错啊。
张贴
