渝味曉宇重慶老火鍋 (聚賢逸居) (已結業)

好难得西环开左间出名既重庆火锅，晚晚都好多人帮衬，所以就好奇咁去试下。见晚餐火锅好多人试过又写过食评，我就去试下佢既午餐面线套餐，睇下同火锅相比会系点。午餐时段好少人，都系得一两枱人，都系附近返工既人。环境好舒适，服务都唔错。午市套餐有几款面线可以选择，咁我就选择左大路啲既牛腩面线。个套餐有三碟小菜送。卖相好似日本拉面咁，食落去既个种辣比较似担担面个只既辣味同麻香既味道。牛腩就不过不失，唔特别。整体感觉都好似食紧担担面咁。食完之后有糖水饮红枣雪耳。味道唔错。整体而言，午市套餐一般，而且价钱要$68以上，试过一次之后唔会试第二次。