熊野日本料理 (已結業)

今晚大围收工，约埋朋友食生日饭，其实大围真系好多野食，比起沙田的千篇一律真系精采好多，今晚就系朋友介绍下食左呢间日本野。睇下个MENU，最吸引到我既系佢个熊野二人前，有野菜沙律、日替前菜、蚬味噌汤，三点刺身、烧鲭鱼、吉列广岛蚝、安格斯牛肉稻亭同埋雪榚。先黎个蚬味噌汤，佢最特别之处系除左浓郁既汤底之外，仲有两大只蚬系入面，大大只之余，仲系好鲜味的! 再黎个三点刺身，食得出系好新鲜既，而且仲相当厚切，而且个刺身虾仲系好大只!仲要赞下个吉列广岛蚝，因为系出面食得多，吉列广岛蚝并唔系咁易整的，因为出面食果D成日都系好厚炸粉，食落去好似食炸粉多过食只蚝。但呢度既吉列广岛蚝真系一流，入面只蚝好大只，食落仲系有蚝汁系入面。地点一流，会再黎。