Olive Cafe (新領域廣場) (已結業)

收工同同事想慰劳下自己，想揾间高质素又方便的西餐，记得荃湾天桥下有间自成一角的餐厅，环境感觉都几好feel,就决定去试下。olive cafe 位于新领域广场，餐厅环境宁静舒适，灯光装饰浪漫，好啱情侣谈心或者同朋友黎饮酒吹水！餐包微温的餐包配上酱汁，淡淡的香草味令人胃口大开。餐汤是日餐汤系洋葱烟肉薯仔忌廉汤，汤入面有好多细细粒的洋葱烟肉碎，😍令成个汤升左一个层次！平时饮西汤好怕太咸，但olive 个做得刚刚好，味道汤浓郁creamy,又唔会过咸👍🏻晚上套餐有好多选择，包汤同饮品。我点左「香烤原条新鲜鲈鱼配慢煮茴香」，鲈鱼好大条好有惊喜，成条鱼好惹味，鱼肉几嫩滑同埋肉身好结实，唔会因为烤滚而散开，好有口感👍🏻「德国蜜糖芥末烤咸猪手」同事叫左的猪手皮层脆卜卜，烤到金黄焦脆，但一啲都唔油腻。切开的肉质脂香肉嫩，咸度刚好，做到外脆内软。淡淡的酱料甜味配上表层的焦脆，好有咬口且味道恰到好处，唔会过甜过咸！热鲜果茶我同同事都分别叫左同一款饮品，皆因olive 的热鲜果茶真系好好饮！之前有同事都介绍过，果然冇令我失望！餐厅好细心，鲜果茶有好多切碎左的生果，配上蜡烛微微保温。茶香味浓厚，果香感觉滋润。