孵化生活

营业中

休息中

今日去荔枝角做瑜珈，朋友话有间cafe唔错带我去试下😋星期日附近冇乜人返工，所以比较安静。Lunch set选择都几多，包左沙律/餐汤+主菜+饮品。田园沙律｜沙律酱汁酸酸地好开胃，除左沙律菜仲有杂莓，系有诚意既前菜。黑松露泡沫蘑菇汤｜面层系一埋泡😂😂好得意！个汤好香黑松露味，仲有好多蘑菇碎，超足料😋慢煮西班牙伊比利猪鞍架配焦糖苹果｜猪鞍好大块，面层煎至微脆，肉质软腍，带有小小肥膏好甘香。底层既薯蓉好滑身，略嫌配菜既茄子同香菇有啲油。比目鱼柳配辣椒蕃茄沙沙｜比目鱼柳有两大旧，鱼肉好嫩滑而且鲜味十足😍酱汁好似忌廉汁，同蕃茄沙沙一齐食无咁腻👍🏻黑松露薯条｜薯条新鲜炸起超脆！而且用左粗薯条口感更好😍😍除左配有黑松露蛋黄酱，面层仲洒左黑松露盐，黑松露fans唔好错过啊😌布丁烧｜呢样野hit左好耐但我系第一次食😂😂布丁好滑蛋味好香，焦糖味好浓郁🤤如果层蛋糕再厚小小就可以令口感更有层次喇。