James Kitchen (已結業)

圣诞时节又系朋友饭聚嘅好时间，今次仍然由识饮识食嘅朋友C订台。因为朋友C食过，叫厨师发板，谂都唔驶谂食咩。先黎饮住白酒食海鲜拼盘，生蚝有3款，有creamy 有海水味重嘅，仲有海胆、牡丹虾、蛏子。海胆同牡丹虾都好鲜甜，蛏子就普通。前菜有蟹饼、芝士菠菜酥、意式云吞，摆盘好靓。餐汤系杂菌汤，足料浓郁。主菜有大路嘅牛柳，生熟度刚好，仲有比较少有嘅比目鱼，我唔食鱼皮，但朋友话重点系个鱼皮。都开始饱，我地话唔要pasta。不过，女生当然唔会放弃甜品。甜品有疏乎里、心太软、焦糖布甸，其中我最钟意疏乎里。