影片
更多
2015-03-01
9444 浏览
继下午去完荷李活道食, 行一阵又再食过! 早前上网见到有介绍呢间酒店既下午茶, 好似几吸引, 所以又走黎试试.由于冇BOOK位, 只有walk in, 咁啱我地又早到, 所以都大胆问问职员可以入去坐住等, 职员等一会回覆可以安排我地入去坐住等, OH, 十分好!呢间酒店应该系新开, 虽然唔算好大, 但入面既格调好优雅. 令人有一种好高档既感觉!餐厅内的环境 (唔知点解相片调转左, 转极都转唔返....)其实咁样一眼望晒, 大概只有四五张台+BAR位黎喇黎喇! 好精致既下午茶层架!不同层架上的食物:冇错, 系鸡蛋仔!估唔到鸡蛋仔依家已变成高档下午茶食品之一!其实食落口系有少少暖暖地, 唔算好热即造, 大概估因为要落些糖霜, 怕溶卦....不过咬落又唔似外面街边既好似得一阵风咁空心, 入面有软绵绵既蛋浆变成好似海绵既质地, 会有饱肚既感觉!隔离既似合桃蛋糕唔算甜, 食落有一粒粒碎合桃, 有咬口!另一层架, 有迷你磨菇蛋挞, 好好食呀! 味道咸咸地, 又有菇味, 挞皮用上牛油制, 又有甜甜地既味道!至于红色呢个呢, 起初食第一啖, 都估唔到系咩...再食多啖, 先发现原来系甜红椒, 真系估佢
早前上网见到有介绍呢间酒店既下午茶, 好似几吸引, 所以又走黎试试.
由于冇BOOK位, 只有walk in, 咁啱我地又早到, 所以都大胆问问职员可以入去坐住等, 职员等一会回覆可以安排我地入去坐住等, OH, 十分好!
呢间酒店应该系新开, 虽然唔算好大, 但入面既格调好优雅. 令人有一种好高档既感觉!餐厅内的环境 (唔知点解相片调转左, 转极都转唔返....)
其实咁样一眼望晒, 大概只有四五张台+BAR位
黎喇黎喇! 好精致既下午茶层架!
不同层架上的食物:
冇错, 系鸡蛋仔!估唔到鸡蛋仔依家已变成高档下午茶食品之一!其实食落口系有少少暖暖地, 唔算好热即造, 大概估因为要落些糖霜, 怕溶卦....不过咬落又唔似外面街边既好似得一阵风咁空心, 入面有软绵绵既蛋浆变成好似海绵既质地, 会有饱肚既感觉!隔离既似合桃蛋糕唔算甜, 食落有一粒粒碎合桃, 有咬口!
另一层架, 有迷你磨菇蛋挞, 好好食呀! 味道咸咸地, 又有菇味, 挞皮用上牛油制, 又有甜甜地既味道!至于红色呢个呢, 起初食第一啖, 都估唔到系咩...再食多啖, 先发现原来系甜红椒, 真系估佢唔到, 夹住面包多士咁食又几得意㖞! 另一件系火腿多士~
最后食既一层, 有朱古力mousse, 有好香浓既朱古力味, 而且好滑!又有一小杯既Tiramisu, 用个小杯子装住卖相好可爱! 不过可能我较迟食呢个甜品, 所以有少少溶溶地LU, 不过都好味道!
食松饼, 食松饼! 最钟意就系加入果酱同忌廉食, 真系好好味呀! 一路食一路加D酱, 正! 忌廉好软滑香甜, 果酱亦好有生果味道! 真系忍唔住要加晒佢, 可惜个松饼太细少了...有D唔较喉...
题外话: 临走前去埋个洗手间, 洗手间设置二楼, 要搭lift, 入面所装既洗手液樽同样好靓架!!!
题外话/补充资料：
叹紧下午茶期间, 其实都有唔少食客想入黎, 但因为好快已经FULL左, 佢地要等下一轮. 听到有食客话专登请假黎试, 可惜失望而回. 又听到有食客问: 又话冇得BOOK, 点解咁快FULL....无他, 因为仲有食客比你地再早到.... 所以如果真系想黎试, 我谂真系要早少少黎排队吧...
(以上食记乃用户个人意见 , 并不代表OpenRice之观点。)
张贴
