影片
更多
2010-02-11
579 浏览
11月7日, 晚上, 同友人一行10多人黎到位于宝马山上嘅一间餐厅烧野食, 因为我地都冇乜去过宝马山烧野食, 所以好好奇佢系一间点样嘅户外烧烤餐厅~ 先系地点唔就脚, 要转车又转车先去到, 原来系喺某一个豪宅屋苑楼下嘅餐厅整咗个户外烧烤场. 𠮶度都唔少人, 每一班人各分一个烧烤炉, 烧烤炉都几大, 对面30人都系用一个炉, 唔驶逐样叉, 放d野食上炉头度烧就得, 好方便… 准备好我地就开始烧野食::: BBQ SET1 x5 + BBQ SET2 x5 ::: $198(SET1) / $298(SET2)有个menu望下都可能知道2个set嘅分别, 但系黎到就真系唔知边d打边d, 因为系一次过将所有野起晒, 一盘一盘咁, 都几壮观嘅~ 写唔晒咁多种类, 可以去佢地website度睇… 首先想讲系个烧烤炉, 火真系过大, 因为d侍应应该系将一大袋炭一野攞晒去烧, 想个火唔大就奇, d火直标过摆野食嘅铁丝网… 所以d香肠, 墨鱼丸好快就烧㶶唔在讲, 连鸡翼都好快烧㶶, 但系外㶶内冷, 搞到我地食咗好多㶶野… 见到其他烧烤炉都系同一情况, d侍应又唔会做d野整细d个火, 点食呀, 我地唯有
::: BBQ SET1 x5 + BBQ SET2 x5 ::: $198(SET1) / $298(SET2)
有个menu望下都可能知道2个set嘅分别, 但系黎到就真系唔知边d打边d, 因为系一次过将所有野起晒, 一盘一盘咁, 都几壮观嘅~ 写唔晒咁多种类, 可以去佢地website度睇…
首先想讲系个烧烤炉, 火真系过大, 因为d侍应应该系将一大袋炭一野攞晒去烧, 想个火唔大就奇, d火直标过摆野食嘅铁丝网… 所以d香肠, 墨鱼丸好快就烧㶶唔在讲, 连鸡翼都好快烧㶶, 但系外㶶内冷, 搞到我地食咗好多㶶野… 见到其他烧烤炉都系同一情况, d侍应又唔会做d野整细d个火, 点食呀, 我地唯有好密咁成日转d野食, 但就绝对唔方便lor…
跟住讲食物, 老实讲唔讲唔知2个set有咩分别可以争$100咁多… 可能多咗一只蚝… 不过焗烧生蚝又真系冇咩特别… 比较好食嘅有牛扒, 羊扒, 腌得相对较入味, 但不论肉味同肉质都十分一般啰~ 另外d蒜茸包都几好嘅… 其他都好普通, 冇特别讲嘅需要… 一定要提系佢个所谓甜品朱古力香蕉, 真系劲难食!!! 我地全部人都冇一个掂过… 仲要再讲埋佢支冇味蜜糖喷剂, 劲喷劲喷一样冇味, 沟咗太多水喇…
而饮品方面一个SET只系送2枝细汽水或者一枝大啤… 究竟够边个饮?! 完全系屈你另外再叫啦…
而家睇番个menu, 可能有漏单添, 有d野好似冇食过… 总之, 咁嘅野食完全唔值咁嘅价钱…
对于住喺楼上嘅住客, 觉得佢地好惨, 谂住住喺宝马山静静地, 点知楼下𠮶间餐厅又嘈, 又一大阵烧烤味… 真系请都唔会再去呢间野, 宁愿自己买野自己烧, 又可以享受烧野食嘅乐趣, 仲可以$100唔驶食到自己想食嘅野添~!
张贴
