壹點甜粵點專門店

营业中

休息中

睇过我写食评都知道，壹点甜已经成为我饮茶首选，今次要写嘅，系佢地出咗D新嘅点心，一款系香脆韭菜角，另一款，只系小笼包，大路野。香脆韭菜角胀卜卜，胀卜卜原因系足料，外脆内软，经验所知，无论哩款韭菜角同咸水角，都系热到辣咀！要小心！我食小笼包好简单唔点任何调味，唔中意咩咩又话咬开个顶倒d醋落去，简单复杂化！一个合格嘅小笼包，我只要求夹起入口时唔穿，皮唔会过厚，内里有汤，够热，哩几点壹点甜都做到，唯一不足之处系一笼只有三个，如果四个就更理想！可能一点甜太多公公婆婆帮衬，冷气开得唔大，好鬼热！开著风扇食点心！