楓林小館 (已結業)

上星期六(13/12)，一家大细o黎做节。第一次o黎，感觉好街坊...大部份菜式都系大路o野：香酥鸭、椒盐海中虾一斤、南乳杂菜煲、豆豉鸡、生炒骨及煎封酿豆腐，最后加个生炒糯米饭。香酥鸭：芋头好棉，鸭味好浓，好特别！椒盐虾：好爽又够味，外面好干身，但虾肉仲保持到肉汁，真系差o的连壳都食埋。杂菜煲：就系杂菜煲一个...豆豉鸡：原粒豆豉好浓味(不过有o的咸)，鸡味好有鸡味，疑似新鲜鸡...不过禽流感进行中，冇理由咁容易买到㖞！生炒骨：炸得透彻够镬气，甜酸度适中，正！煎封酿豆腐：外脆肉软，美味！生炒糯米饭：一般...价钱唔平，服务员串串贡，环境ok，星级厕所，真系好味！p.s. 仲有乳鸽未食，留个机会俾自己再o黎先...