卷族

营业中

休息中

经开新纪元广场，心谂几时开左间小食店，然后就出于好奇入去试下。听老板讲，由于正处于试业阶段，菜单款式仲有待调整，所以就按佢推荐，点左份鸡肉卷。等待嘅时间吾算长，粗糙计过大概3～4分钟左右就有得食。送到我手上嘅鸡肉卷热辣辣，虽然称吾上大份夹抵食，但绝对冇偷工减料，满满嘅鸡肉咬落去甚至会多到泻出黎。就性价比而言，已是合格有余。系口感方面，啱啱整好嘅饼皮表面酥脆，入面嘅生菜蕃茄用料新鲜，吾会有戈种霉霉嘅感觉；作为主菜嘅鸡肉煮得软硬适中，酱汁份量亦恰到好处，食落都几juicy~