屋子生活 (已結業)

返完教会之后，约左班朋友去乌溪沙食个晏再出发去泥涌，中间等左一阵位就入得啦，店员安排我地坐塌塌米，虽然几特别🙈但系坐得耐都几攰架🤣食物方面，我地叫左个鲭鱼定食同关西牛肉定食，之后再叫左个朱古力梳乎厘配云尼拿雪糕做甜品，价钱上虽然有d贵🤔个鲭鱼定食整体上系唔错ge，试得过👍🏼😋饮品方面，我叫左个苹果茶饮，本身钟意苹果ge产品，所以想试下，饮落都唔错，茶味唔会太浓而盖过左苹果香，不过唔知系冲泡定茶包黎🤔甜品方面，个朱古力梳乎厘就唔太特别，不过都唔算太甜，见系屋子推介，所以叫左黎试，尚算可以ge。同埋佢地有写限时90分钟，不过店员都无特别指明，所以都唔会食得好赶，同埋个环境俾人感觉几舒服写意。